Aruba lo forma parti di delegacion di Reino na 80 Asamblea General di Naciones Uni na New York

ORANJESTAD / WILLEMSTAD – Premier di Corsou Gilmar Pisas lo hasi un bishita di trabao na Merca di 21 te 28 di september pa asisti e conferencia di Nacionan Uni na New York.

Aparte di Pisas, tambe premier Mercelina di Sint-Maarten y minister Arubiano di Turismo, Transporte y Trabao, Wendrick Cicilia, ta tuma parti den e reunion. 

Nan lo papia na diferente evento tokante hoben, salu, derecho di muhernan y clima.

Den esaki ta pone tambe na centro e posicion di Small Island Developing States (SIDS), cu enfasis riba vulnerabilidat di paisnan chiki insular y nan papel den desaroyo sostenibel.

E delegacion ta wordo dirigi pa premier Hulandes Dick Schoof. 

E lo tuma parti na receptie di apertura di secretario general di VN António Guterres, un receptie di presidente Mericano Donald Trump, y tin reunion cu lidernan di gobierno stranhero.

Dia 25 di september Schoof lo hiba palabra na Asamblea General. 

Aparte di esaki, e lo asisti side events tocante guera den Ucrania, inteligensia artificial y clima.

Pa paisnan Caribeno, e cumbre di VN ta duna un podium pa pone nan interes especifico claramente bou atencion.