Chauffeur di brommer ta bira di 5 morto di trafico pa 2025

ORANJESTAD – Un chauffeur di brommer ta bira di 5 morto di trafico pa 2025 pa Aruba.  Diadomingo madruga pa 3:30 central di polis a wordo notifica di un brommer cu a accidenta den e bocht di Kudawecha y cu e chauffeur no ta reacionando. 

Central di polis a despacha patruya na e sitio como tambe ambulance. 

Na yegada di patruya enberdad a bin encontra cu un brommer riba caminda y e chauffeur. 

Ambulance a yega na e sitio y a duna asistencia medico na e chauffeur pero lamentablemente no por a haci nada mas pe.

Na e sitio a presenta specialista di trafico y polis technico pa asina haci nan investigacion. 

MORTO

Dr Forensico Voskuil a presenta y a constata morto di Giomar Adriano Heronimo naci 14 juni 1975 di 50 aña di edad.  E curpa a wordo tuma den beslag pa mas investigacion.  Mane e investigacion keda cla, polis lo duna mas informacion. 

AYUDO

Departamento di Slachtofferhulp a presenta na e sitio pa asina guia e famia den e momento dificil aki. 

Noticiacla y Cuerpo Policial ta manda palabra di condolencia na famia di e fayecido.