JetBlue ta añadi buelo for di Ft Lauderdale pa Aruba na november awor

FT. LAUDERDALE – Dialuna e aeroliña Mericano JetBlue a anuncia cu nan ta añadi un cantidad di buelo internacional e aña aki, di cual Aruba ta un di nan. Den caso di Aruba, e ta un buelo for di un ciudad ‘nobo’, cu ta Ft Lauderdale. Asina e portal britanico The Sun ta raporta. Actualmente e aeroliña no tin buelo for di Ft Lauderdale pa Aruba. E intencion ta pa cuminsa cu e buelo aki pa november di e aña aki. 

CONFIRMACION

E aerolinea cu ta opera barata a confirma e expansion dialuna, presentando buelo nobo internacional y domestico cu ta planifica pa temporada di biahe di invierno. Aeropuerto Internacional Fort Lauderdale-Hollywood lo haya e mayor incremento, unda e aerolinea ta proyecta un record di 113 salida diaramente for di e hub mas laat e aña aki.

CONSOLIDA

E movida ta consolida JetBlue como aerolinea numero uno na e aeropuerto di sur di Florida, caminda e ya ta opera mas buelo cu cualke competidor. Cuminzando den november, pasaheronan por spera conexionnan nobo pa destinacion popular den US, Latinoamerica y Caribe di cual Aruba ta parti. Ruta adicionalnan ta inclui Cartagena, Grand Cayman, Liberia, San Pedro Sula y St. Maarten.