Explosion na Thiel Corporation a laga 3 persona herida

ORANJESTAD -  Diaranson mainta pa 6:30 Central di Polis ta wordo informa cu lo tin un explosion na Thiel Corporation na Canashito. E prome informa ta indica cu lo tin 3 victima y ta pidi pa Ambulance como tambe Brandweer. Central di polis ta despacha unidadnan di Santa Cruz pa cu e sitio di e sucedido. Na yegada di e prome patruya di polis a wordo informa cu tin 3 heridos.  Ambulance a yega na e sitio y a stabilsa e victimanan y a transportanan cu maximo urgencia pa hospital.  Polis di Sta Cruz y di Oranjestad a sera caminda pa asina ambulance (totaal 3) por a yega mas lihe posibel hospital cu e victimanan.  Tur 3 victima ta den Cuido Intensivo (ICU)

Personal di DTI a yega na e sitio pa asina haci nan investigacion.