Eman tin speransa cu ley AFT lo yega parlamento e siman aki ainda

ORANJESTAD – Si e reaccionnan di Hulanda bin hopi rapido bek ariba e locual tin riba mesa (e version ‘nobo’ aproba di e ley di Aruba Financieel Toezicht), ta posibel cu e por yega parlamento den e siguiente dianan aki. Esaki tabata un prome minister Eman hopi optimista na NoticiaCla.com dialuna mainta, splicando cu e tin speransa cu ainda parlamento lo por ‘agendeer’ esaki prome cu 1 augustus.

HULANDA ACUERDO

Segun Eman a splica NoticiaCla.com, Hulanda a bay di acuerdo cu si Aruba no keda cla cu e ley prome cu 1 augustus, cu e por sigui sin problema. Eman ta argumenta cu esaki ta pasobra no ta Aruba so a faya den esaki, pero Hulanda tambe. “Si, pasobra Hulanda tambe ta envolvi den e proceso aki” Eman a bisa. Hulanda ta dunando nan opinion ariba con ‘nos por crea e cambionan’.