Sevinger: Gobierno, Odinsa y Deutsche bank a firma pa Green Corridor

ORANJESTAD – Minister di infrastructura Benny Sevinger a confirma cu diabierna ultimo, Odinsa (e compania contratista responsabel pa Green Corridor) , Deutsche Bank (e banco cu ta financia e proyecto) y gobierno di Aruba a firma e acuerdo di financiamento na New York. Esey ta nifica cu no tin nada pa stroba e deal aki di continua. Un trabou cu lo dura 2 aña di construccion, y 18 aña di pago.

HOPI DOCUMENTO

Segun Sevinger, e la comenta cu e cantidad di documentonan cu e huristanan mester a pasa den dje, ta ekivalente na un camber tamaño di e sala di prensa di gobierno. A mustra cu e proyecto aki no ta uno facil, y cu a tarda por lo menos 5 aña (for di 2010), y awor e ta cla pa cuminsa construccion. E tardansa ta debi cu ta trata di un sistema nobo den Caribe cu nos no conoce di PPP. “Un moda di haci un destaho publico cu loke nos ta yama un dialogue cu partnernan cu ta esnan cu a entrega un bidding”.

BULA FOR DI PROYECTO

Cu esaki tambe mesora ta desbarata e informacion inicial cu e financiadonan (deutsche bank) a bula afor y cu e proyecto no ta continuando mas. Esey tabata e rumornan di siman pasa ainda, pero cu awe mainta a keda kita, mirando cu a firma e acuerdo entre e partidonan menciona.