Lo transporta taxista tira na wowo, pa Colombia

ORANJESTAD – E homber taxista R. Gomez di taxi 343 cu diadomingo a wordo tira den su cara, ta bayendo Colombia. NoticiaCla.com a haya confirmacion cu debi cu no tin aparato pa trata e wowo afecta di Gomez, AZV lo cubri e gastonan pa e biahe aki. Tabata trata diadomingo anochi di un biahe ‘urgente’ pero diadomingo anochi laat ainda Gomez no a biaha.

ATRACO

Manera ta conoci, tabata diadomingo pasa cu un grupo di hoben dilanti Benihana na South Beach Center den intento di atraca e taxista, a los tiro cu a drenta net bou di su wowo y sali net na e banda prome cu yega orea. Segun famia, e bala lo no a alcansa e cerebro. Tambe ta averiguando e nivel di daño na e wowo y ta na specialista pa scapa e wowo. NoticiaCla.com a compronde cu e taxista lo a baha di su taxi, y dirigi su mes pa baño, y ta eyan nan lo a siguie y atrak’e y tambe los e tiro(nan). Mas informacion ta cu e tabatin sen cu e la cobra e dia ey, tanto na dollar como florin y a bay cu su celular tambe.