Concepto ley AFT ta limita poder parlamento y aumenta di gobierno

ORANJESTAD – E concepto di ley AFT ta limita poder di parlamento. Mes momento tambe ta duna conseho di minister un derecho ‘independiente’. Algo cu no por,  pasobra na Aruba ‘conseho di minister no ta un organo independiente’, Asina e organo consultativo independiente (RvA) a  recorda gobierno den su conseho riba e ley Aruba Financieel Toezicht, cu NoticiaCla.com a logra pone su man ariba. E 'poder extra di conseho di minister',  ta conta ‘pa tur minister, cu por lo tanto tin nan responsabilidad pa e decisionnan cu nan ministerionan tuma’.

ADAPTACION STRAÑO

“Ta straña e organo (consultativo) cu despues di e acuerdo (entre Hulanda y Aruba), cu Aruba ta adapta e palabracionnan legal, cu ta impugna cu e ‘ley di supervision financiero’. Esaki sigur, despues cu a bay di acuerdo cu ‘e palabracionnan haci, lo no viola e derechonan constitucional y derecho di e organo di estado di Aruba”. Y sigur si a haci e adaptacion ‘sin cu parlamento di Aruba a apodera gobierno pa haci tal’. “Ta parse asina, cu parlamento di Aruba, -mirando e sancionnan poni den e protocol-, ta wordo confronta cu un ‘hecho’ caba. Pues cu no por haci nada mas cu e asunto.

BASE LEGAL ROBEZ

Raad van Advies a compronde di e ley, -cu a wordo scohi riba un base legal robez-, ta basa riba e rijkswet (ley di reino) manera di St Maarten y Corsou, unda cu ta contempla 4 punto. E organo consultativo ta di opinion cu dicho responsabilidad no por wordo regla pa medio di un ‘ley riba nivel local’ cu excepcion die autoridad segun articulo 52 di statuut. Lesa e rapport completo di Raad van Advies aki.