Por lo menos 6 morto den un atack riba bus den Jerusalem

Jerusalem - Den un atack den Yerusalem, tiradornan a mata por lo menos seis persona. Cuater victima a muri na mes luga, mientras dos otro a fayece den hospital.

Riba e cantidad di heridonan tin reportenan diferente. Segun organizacion di yudansa israeliano Magen David Adom, tin por lo menos seis persona den condicion cridico den hospital. Entre e mortonan tin un homber y un muher rond di cincuenta aña y tres homber rond di trinda aña.

E atack a tuma luga na cruzamento Ramod, na banda noroeste di e ciudad. Segun e prome reportenan, e tiradornan a subi den un bus y a tira riba pasaheronan. Polis israeliano ta bisa cu tabatin dos tirador. Nan mes dos a wordo mata poco despues cu nan a cuminza tira, segun polis.

Polis ta referi esaki como un atack terroristico. Funcionarionan di siguridad a bisa na medio israeliano cu e tiradornan ta Palestino di West Bank. Nan ta bin di cercania di Ramallah, pero nan identidad ainda ta wordo controla. Soldadonan israeliano supuestamente a rodea e barionan caminda e sospechadonan ta bin.

Riba imagen por mira hende corriendo cu panico for di un bus stop, na mitad di rush. Un yudador presente a bisa na medio israeliano cu poco despues di e atack tabatin hende tende na strada sin conocemento. “Tin hopi destrucion na mes luga, pedacito di glas riba tera y hopi confucion.”