Trahadonan di bus y jeep di De Palm Tours a bay den accion!

ORANJESTAD – Un grupo di 50 trahado chauffeur di bus y jeep di e compania De Palm Tours, diamars mainta a bay den accion di un ora, pa protesta situacion laboral na e empresa. Nan ta basta tempo den negosacion, y tin problema pa loke ta e ‘feeling’ di no trata corecto den trabou. Segun e shopsteward di e sindicato FTA, sr Ryan Giel, e coleganan no ta wordo trata corecto, y tin abuso verbal, sin lubida shopsteward cu ta wordo menasa, pa e.o. ta vocifera nan opion. Asina e representante sindical sr Giel a bisa Noticiacla. Como tal, a yega ora pa buta un presion chikito di un ora. Si no logra haya atencion, e ora ta intensifica e accion. Wak e video di e raportahe AKI.