- Rutten ta laga su puesto como entrenador di seleccion di Corsou
- Aruba Birdlife Conservation cu caso contra destruccion di naturaleza pa UTV y ATV
- JetBlue ta aumenta buelonan pa Aruba despues di salida di Spirit
- Rekenkamer: Aruba ta informa Hulanda mihor cu su mes Parlamento
- Prome minister hulandes Jetten rumbo pa Aruba durante biahe den Reino
Na Corsou, ex parlamentario Rennox Calmes bek den corte awe tardi pa su caso
WILLEMSTAD - Awe den oranan di atardi èks parlamentario, sr. Rennox Calmes, lo ta bèk den korte pa duna kuenta i rason riba loke e ta ser akusá di dje. T’asina ku na fin di luna di yüni Calmes su kaso a keda presentá den forma di un ‘regiezitting’, i el a keda posponé pa trat’é den su kontenido awe. Calmes su kaso ta programá pa ser tratá komo e último den oranan di atardi.
E akusashon ku tin kontra di Calmes ta ku den periodo di 1e di mart 2022 te ku 28 di febrüari 2023 e so òf konhuntamente ku mas hende a falsifiká slep di salario di tres kolaboradó. E promé kolaboradó di inisial B. ku el a falsifiká su slep di salario ta for di mart 2022 te ku novèmber 2022. El a falsifiká kolaboradó B. su slep salario na 5 okashon. E di dos kolaboradó ta di inisial P. El a falsifiká su slep di salario na 3 okashon den luna di desèmber 2021 pa febrüari 2022. E último kolaboradó di inisial J.V., el a klasifiká su slep di salario na kuater okashon. El a falsifiká e salario bruto riba e slep di salario dje kolaboradónan.
Ta di spera ku awe sí lo sigui ku su tratamentu, ya ku anteriormente e akusado a pretendé ku e no tin un direkshon ofisial i ku ta den medionan di komunikashon el a tuma nota di su kaso. NOTA: Texto ta scirbi den Papiamento fonetico di Corsou.
Rutten ta laga su puesto como entrenador di seleccion di Corsou
WILLEMSTAD – Entrenador di seleccion Fred Rutten a dicidi dialuna di laga su puesto como entrenador di e seleccion nacional di Corsou. Esaki a wordo confirma pa Federashon Futbol Korsou (FFK). Segun Algemeen Dagblad, Dick Advocaat lo tuma cargo di e ekipo. Diamars mainta, federacion lo tene un conferencia di prensa.
Division na Corsou: sponsor ta stop despues cu federacion rechasa regreso di Dick Advocaat
WILLEMSTAD - Propietario di compania di biahe Corendon, Atilay Uslu, a anuncia den corant Extra cu su compania lo stop despues di Mundial cu patrocinio di seleccion nacional di Corsou.
Artista J Balvin añadi pa completa line up di Curacao North Sea Jazz 2026
WILLEMSTAD -Curaçao North Sea Jazz Festival a anuncia mas artistanan cu lo participa den edicion di 2026. Un di e nombernan grandi cu a wordo añadi ta J Balvin, cu lo subi escenario diasabra 5 di september.
Megatanker di petroleo crudo ta bolbe Bullenbaai despues di dies aña
WILLEMSTAD - Bullenbaai a ricibi diaranson su prome megatanker di petroleo crudo despues di dies aña. E barco gigante a mara na e facilidatnan di 2BAYS Curaçao y lo carga casi dos miyon bari di petroleo crudo cu despues lo wordo transporta pa destinacionnan manera China, India y Europa.
Sector di taxi na Corsou ta pidi gobierno pa sosten debi na costo halto di gasolin
WILLEMSTAD – E sector di taxi na Corsou ta pidi gobierno pa apoyo financiero pa motibo di e prijsnan halto di combustible cu ta sigui. Segun sindicato SINUSTA, hopi chauffeur di taxi ta cay den problema pa motibo di esaki.
CTB ta presenta plan di accion pa turismo na stakeholders
WILLEMSTAD – Curaçao Tourist Board (CTB) a presenta su plan di accion pa desaroyo y maneho di producto na representante di sector publico y priva.
Follow NoticiaCla
