Exito di GOL ta boost turismo Brasileño na Aruba cu mas di 80%

ORANJESTAD – E aeroliña brasileño GOL su exito ta impulsa turismo Brasileño na Aruba. Asina e portal aviationclubcenter  ta informa. GOL Airlines su presencia na Aruba a genera un aumento significante di bishitantenan Brasilero pa e isla Caribense. Den e prome mitar di 2025, e cantidad di turista for di Brazil a crece 86.2% compara cu e mesun periodo na 2024, mientras cu juli a conoce un aumento di 80.8%. Segun Aruba Tourism Authority (ATA Brasil), ta premira cu e aña lo cera cu mas o menos 30.000 brasileño den e destinacion, representando un aumento di 73% compara cu 2024, consolidando Aruba como un di e destinacionnan mas atractivo den Caribe pa e mercado Brasileño.

Tabata dia 18 di december 2024, cu GOL a inaugura su ruta directo São Paulo/Guarulhos (GRU) – Aruba (AUA), cu te cu tres frecuencia semanal, birando e unico compania di aviacion cu ta ofrece buelonan sin stop entre Brazil i e isla. Desde e tempu ey, el a opera mas cu 150 buelo ida y buelta y a transporta 21.000 pasahero.