Aruba ta keda na di 4 lugar den LLWS 2025, cu cara na laira

WILLIAMSPORT – E seleccion di Aruba Little League, representando Caribe, a keda na di 4 lugar diadomingo, ora cu e la cay venci contra e seleccion di Merca, Metro, cu e score di 4-2. Asina mes Aruba a hiba un bon bataya henter e wega. Na final, Aruba a permiti 4 careda, 6 hit y 4 eror. E pitcher habrido pa Aruba, a bay 5 inning y ora cu e la baha a haya un tremendo applause di e publico, incluyendo un empire den wega. No solamente pa su pitcheo, sino pa algun hugada spectacular cu e la haci durante di e wega. Aruba por ta orguyoso di su hungadornan cu a pasa un siman intenso di bala tur dia, bou di stress, confrontando ekipo tras di ekipo, y asina mes a sa di contene nan mes bon. Ta te den e wega final contra Taipei, a bin cay, pero cu un score minimal di 1-0, y ta cay venci diadomingo, pero ta e di 4 miho team di mundo  awor. Pabien Aruba y e seleccion!. Noticiacla ta orguyoso di boso!