Eman: No tin motibo pa inquietud pa cu e situacion den region (cu Venezuela)

ORANJESTAD – E hecho cu tin dos fregata grandi mericano na caminda pa nos region, dilanti costa di Venezuela, no ta motibo pa panico. Asina prome minister Mike Eman a bisa diahuebs merdia despues di un reunion cu tur e instancianan internacional. Segun Eman, a evalua e situacion cu a bin ta tuma lugar pa basta siman. Awor a yega den un otro fase cu e yegada proximamente di e dos fregata grandi na caminda. De echo, e unico nobo ta, cu tin e dos fregatanan na caminda, pero otro cu esey, semper Merca tabata haci trabounan den region pa combati traficacion di droga den e region. 

CONTACTO INTENSIVO

Tanto ministerio diBuitenlanse zaken, y veiligheidsdienst, tabata den contacto intensivo cu gobierno di Aruba riba e tema. Nan ta percura pa wak con mester interpreta informacion cu ta ricibiendo y kico mester haci cu esaki. Mes momento a splica cu no tin dos vliegdekschip ta biniendo, sino dos fregata grandi. Y tampoco nan a yega Corsou ainda. Noticiacla a raporta diahuebs mainta, cu segun Fuente Hulandes, e fregatanan lo bishita Corsou pa motibonan logistico tambe. Ta compronde cu e periodo aki cu tin hopi inquietud y speculacion. Locual cu tin ta esey, di e dos fregatnan. Lo monitoria di cerca. Tin cu respeta e diferente factornan cu tin di acuerdo cu tin, pa con ta vigila e area di Caribe. 

Por keda trankil cu e situacion actual.  Si e bay den un otro direccion, lo duna informacion di con ta mira pa cada momento, e analisis di loke ta sosodiendo.