Maduro: Merca ta viola derechonan internacional y ta menasa di impone su mes

CARACAS -  “E promé cos cu e imperio ta destrui ta legalidad internacional; e ta ignora e Carta di Nacionnan Uni y Derecho Internashonal (…) E ta viola nan den tur su accionnan, menasando di usa forsa pa impone su mes,” tabata e declaracionnan haci pa e Presidente di Republica Bolivariano di Venezuela, Nicolas Maduro Moros, durante e di 13 Cumbre Extraordinario di Declaracion di Gobierno ALBA-TCP.

Den e sentido aki, el a afirma cu “nos ta na un momento cu e decadencia di e imperio a hib’e na implementa un politica di forsa un hegemonia comercial, economico, politico, di comunicacion y militar nobo den tur area di e bataya geopolitico mundial.”

Tambe el a enfatisa cu Merca (US) ta chantaheando Corte Penal Internacional, buscando pa destrui UNESCO, y destruyendo institucionnan, specialmente derecho internacional, cu explicitamente, abiertamente, y directamente ta prohibi uzo di forsa of menasa contra cualkier pais.

Den luz di esaki, el a reitera cu na Venezuela ta defende rason, e derecho di bida, paz, y union. “Berdad prome, cu unidad popular, militar y policial perfecto, cu e Constitucion na vanguardia pa sigui e caminda di legalidad, manera stipula den multiple resolucionnan di e Asamblea General di Nashonnan Uni,” e hefe di estado a declara.

El a indica tambe cu na Venezuela, “nos kier paz y paz lo triunfa”, enfrente di e intento ilegal y inmoral di esclavitud cu Merca ta busca pa impone riba e pais. "Nan lo no por colonisa nos pais, pasobra Merca lo lanta pa nos. Ki sorpresa nan lo haya si nan purba impone nan mes cu forsa. Aunke esaki ta un tempo y tempo di paz, nos tambe sa con pa combati e plaganan aki contra moralidad. Nos tin un spirito revolucionario," Presidente Maduro a enfatisa.