Aruba a gana Japon na Williamsport den LLWS 2025 y ta topa Venezuela awor!

WILLIAMSPORT – E seleccion di Aruba representando Caribe den e Little League World Series 2025, a logra domina e gigante Japon diaranson atardi, den un forma sublime, y gana convincentemente cu e score di 3-0, eliminando Japon y tin cu topa Venezuela awor diahuebs atardi 3’or. E wega a keda 0-0 den e prome 5 inningnan. Pero den e bom di di 5, e batenan a lanta for di soño unda cu Aruba a dal no menos cu 2 homerun den e mesun inning. Den cabez di di 6 inning, Japon a haci algun intento, y a logra pone dos hende na base. Pero asina mes, Aruba a wanta e wega y finalisa esak cu un tremendo captura di bala na tercera, terminando e wega cu e victoria pa Aruba. Aruba tabatin 3 careda, 4 hit y 3 eror, mientras cu Japon tabatin 3 hit y 1 error y 0 careda!. Pabien Aruba.

PASTECHI Y FUNCHI HASA

Loke tambe ta di remarca ta cu durante e pleno wega, e presentadornan di e wega pa ESPN, a haya pastechi y funchi hasa pa come, y no por a caba gaba esaki. Tur esaki, riba camera en bibo pa miyones di hende wak. Esun responsabel pa esaki, tabata mama di un di e hungadornan, esta sra Linda Kemp, cu den e entrevista, a splica kico nan a duna e presentadornan pa come, completo cu e ingredientenan. Un propaganda mas enorme pa Aruba y su amabilidad gastronomico.