TUI ta aumenta cantidad di buelo pa Corsou na nivel record

AMSTERDAM - TUI ta expande su buelonan di winter pa Corsou cu 30 buelo adicional entre december y maart. Esaki lo crea un total di mas o menos 9.000 asiento adicional pa e isla. “E popularidad di Curaçao como destinacion di vakantie ta sigui crece, y e demanda pa carchinan ta aumenta”, segun TUI. Rond di Pasco, e operador di tour ta hasta pone un record nobo.

TUI fly actualmente ta bula pa Corsou diestres biaha pa siman, riba algun dia den combinacion cu Boneiru of Aruba. E 30 buelonan adicional lo opera di 17 di december 2025, te cu 24 di maart 2026. Durante e periodo di vacantie di Pasco – di 17 di december pa 17 di januari – lo tin cuater buelo adicional pa siman. Esaki ta trece e cantidad di buelonan di TUI pa Corsou na un record di dieshete pa siman: nunca prome e operado di tour a bula pa e isla asina frecuente.

Den e simannan despues di e periodo di Pasco, te cu fin di maart, un buelo extra lo wordo añadi na e orario tur siman (riba diamars). Esaki ta nifica cu lo tin diescuater buelo pa siman durante e periodo ei. Tur buelo extra lo ta nonstop pa Curaçao y lo no wordo combina cu buelonan pa e otro islanan ABC.