Trahadonan di F&B di Holiday Inn den accion awe mainta

ORANJESTAD – Trahadonan di Food & Beverage di Holiday Inn a bay den accion awe mainta. Presidente di e sindicato cu ta representa nan, Hubert Dirksz di FTA, a confirma esaki na NoticiaCla.com awe mainta. E motibo ta cu ‘mientras cu hotel ta yen, e pago di service charge ta abou’. Y como tal, segun Dirksz e trahadonan no ta acepta esaki (mas). Esey tabata pa nan, motibo suficiente pa pone trabou abou. No ta conoci con largo e accion lo dura. E ex presidente Rudy Geerman mientrastanto tabata den reunion cu e gerencia pa wak si por resolve e asunto. Mas informacion na caminda.