Hulanda ta yuda subsidia kabel subterano Celia

ORANJESTAD - Hulanda ta yuda subsidia kabel subterano Celia. Mientras cu no a menciona e suma exacto, a compronde cu esaki lo ta mas of menos 20% di e suma total. Boneiru, tambe lo ta conecta na e kabel di data submarino CELIA na 2027. Esaki lo duna acceso na internet mas confiabel y stabil. Recientemente Saba Statia Cable System BV (SSCS) a firma un acuerdo cu e compania Arubano di telecomunicacion SETAR, un di e iniciadornan di e cable CELIA. SSCS a hasi esaki na nòmber di gobièrnu hulandes, un akshonista 100% den SSCS.

Internet rapido, confiabel y stabil ta un prerekisito pa servisio di gobierno digital (nobo). P’esey e inversion aki ta crucial. Tambe gobiernu hulandes a proveé €4 miyon na subsidio na proveedonan di telecomunicacion na Boneiru, Sint Eustatius, y Saba pa sigui lansa internet di fibra optico riba e islanan.

CONSORCIO

CELIA (Caribbean Elite Alliance) ta un consorcio di varios compania di telecomunicacion cu ta opera den Caribe. E kabel submarino di data, cu ta programa pa bira operacional na fin di 2027, lo conecta Aruba, Martinique, Antigua, Puerto Rico, y Boca Raton na Florida.

CONECCION DIGITAL

E conexion digital entre e islanan ta importante, segun director di SETAR, Roland Croes. Inversionnan manera CELIA ta garantisa e coneccion di islanan na e red mundial di dato y ta contribuí na desaroyo economico. Ora di lanta CELIA, nos a considera e expancion potencial pa otro islanan pa nos islanan no ta isola for di desaroyonan tecnologico y por participa den e mundo di dato global.

BARCO DI ENCUESTA MARINO

Preparacionnan pa instalacion di e kabel submarino a cuminsa. Den e ultimo siman di augustus, un barco di sondeo marino lo ta visibel na costa di Boneiru. E barco lo nabega entre Aruba, Curaçao, y Bonaire, mapando e fondo di lama den detaye cu ekipo avansa di sonar.

MAPAMENTO

“Pa por pone un kabel submarino, prome mester mapa e fondo di laman canto di e ruta cu exactitud, incluyendo profundidad, cambionan di elevacion, coral, wreck, i/of otro material. Nos ta consulta cu organisacionnan manera Stinapa Boneiru, Agencia di Herencia Cultural di Hulanda, y Rijkswaterstaat (General-General for Water Management and Public Management). A base di e sondeo marino aki lo determina e ruta final di e kabel riba fondo di lama”, asina Werner Haan, director di SSCS ta splica.