Trafico aereo entre islanan ABC a baha significantemente

ORANJESTAD - E cantidad di bishitantenan cu ta biaha for di Curaçao y Bonaire pa Aruba a cay cu casi cincuenta porciento desde 2012. Esaki ta e constatacion di e abogado y columnista Arubiano Lincoln (Dello) D. Gomez den e portal Curacao.nu, kende ta urgi e gobiernonan y autoridadnan di aviacion y turismo di e tres islanan pa restaura conexionnan aereo confiabel, pagabel, y frecuente entre Aruba, Aruba, Cura y Bonaire.

Segun Gomez, e problema no ta sinta den un falta di demanda, sino den e oferta limita y inconfiabel di vuelonan. “Principalmente nos tin avionnan chikíto cu capacidad limita, loke ta haci pasashi scars. Cancelacionnan ta comun, y algun asegurado ta nenga di permiti nan clientenan pa usa e buelonan aki,” e ta bisa. Como resultado, reunionnan di negoshi, bishitanan di famia i biahenan di turista ta wordo cancela regularmente.

Gomez ta señala cu biahamento entre islanan antes tabata mas facil, cu mas aerolinea y avionnan mas grandi. Segun e, e caida di vuelonan no solamente ta conduci na oportunidadnan perdi pa turismo, pero tambe na daño economico, ya cu empresanan tin menos chens di expande pa islanan bisiña y proyectonan colaborativo ta tarda.

E ta defende un acercamento conhunto di e gobiernonan, autoridadnan di aviacion, aeropuertonan y huntanan di turismo di e tres islanan, pa asina e ABCnan bira un un-dos-tres sin problema atrobe en bes di un “puzzel logistico cu ta core cu bishitantenan y ta frustra empresarionan.”  NOTA Potret ta di Reismedia