Aruba Airlines a inaugura su ruta nobo pa ciudad di Miami

ORANJESTAD - E aerolinea Aruba Airlines , awe mainta a introduci oficialmente e ruta nobo y directo pa Miami, como parti di su plan pa expande, sumando na e destinacion nan cu e aerolinea ta ofrece den forma regular Maracaibo, Valencia y Panama. E acto protocolar di inauguracion di e ruta, a  tuma lugar den Aeropuerto Reina Beatrix y a conta cu presencia di Minister di Turismo di Aruba, Otmar Oduber, representante nan Aeropuerto, Autoridad di turismo di Aruba, presidente di e aerolinea y demas miembro y staf di Aruba Airlines.

RUTA NOBO

E ruta nobo di Aruba Airlines, lo opera segun itinerario, dia nan dialuna, diaranson, diabierna y diadomingo, saliendo pa 10:30 di mainta y ta regresa segun hora local. E flota di Aruba Airlines, conforme cu aeronave moderno Airbus A-320-200 cu un capacidad di 150 pasajero: 12 Business class y 138 den clase economico. Den e caracteristica nan principal di e avion ta destaca e diseño di cabina cu un sonido hopi reduci y amplitud di asiento, pasillo y compartimento pa equipage di man abordo, ta garantiza e comodidad di e pasajero durante e vuelo.

TRIPULACION

Adicionalmente e tripulacion di cockpit y cabina di Aruba Airlines ta consisti di un personal profesional y piloto nan rigurosamente selecciona cu mas di 10 aña di experiencia. Sigurando un experiencia solido den e operacion di vuelo, cu e objetivo di garantiza e seguridad di e pasajero nan abordo.

US PRE CLEARANCE

E beneficio principal cu e aerolinea ta spera ta pa proporciona su pasaheronan e posibilidad di realiza tramite nan di inmigracion di Estados Unidos y Aruba y yega Miami como un vuelo domestico. Pasajero nan den economy class por check-in 2 maleta di 23 KGS pa persona y Business class por checking 3 maleta di 23 KGS pa persona.

RUTA NOBO

Cu e apertura di e ruta nobo, lo hiba pasajero nan di Aruba y cu vuelo nan cu coneccion di Maracaibo y Valencia pa Miami, Aruba Airlines ta spera di por satisface e demanda di pasaheronan y procedente di otro paisnan.

MAS DI ARUBA AIRLINES

Aruba Airlines, un compania Arubiano funda na 2012, a inicia su operacion desde y pa e ciudad nan di Maracaibo, Valencia y Panama for di 2013.

Bou di e slogan “ Be Our Guest “ e personal di tera y di vuelo di Aruba Airlines, integra pa 280 empleado altamente califica, ta sigura su pasajero nan un viaje cu seguridad, comfortabilidad, Bon Servicio y atencion cu nan merece, haciendo di cada un su vuelo un experiencia inolvidabel.

RESERVACION

E reservacion y benta di pasashi pa Miami of cualquier otro destinacion, ya ta disponibel pa tur cliente y usuarionan atravez di e pagina www.arubaairlines.com, of e callcenter +( 297 ) 583-8300 na nivel nacional. Na Maracaibo por bishita e oficina comercial di e aerolinea, of jama 0261/7988566 of na cualkier agencia di viahe di bo preferencia. Pa mas informacion encuanto e ruta nan, bishita @ArubaAirlines den Twitter y Aruba Airlines den Instagram y Facebook.