Tanto bal gana premio pa miho beach, si nan ta wordo trata mahos

ORANJESTAD – Mientras cu mundialmente Aruba ta ricibi premio tras di premio pa tin e beachnan mas bunita di mundo, localmente nos ta trata esaki manera un dump. Un potret di conocido personalidad Rona Coster y columnista pa su pagina Bati Bleki, a mustra kico hende ta topa durante nan caminata banda di beach riba un mainta. Loke mester bira un caminata relaha, riba of banda di beach, ta bira un experencia hopi mahos, unda cu hopi sushi, ta acompaña un bari di sushi. E mensahe di Coster, ta simple: Ta parce cu no tin suficiente bari di sushi, pa e cantidad di hende cu ta bishita nos beachnan. No sa si ta turista ta haci esaki of localnan cu ta bishita e beachnan. Echo ta si, cu e situacion ta deplorable, ora cu bo topa bo beachnan asina. Potretnan cortesia di Bati Bleki.