Diplomatico mericano a papia cu presidente Putin di Rusia, sin resultado concreto

MOSCU - E diplomatico Mericano Steve Witkoff a papia cu e presidente Ruso Putin na Moscu. E meta di e reunion tabata pa termina e conflicto na Ucrania. Con e reunion a bay ta keda poco cla.

Witkoff a worde ricibi awe mainta na Moscu pa representante Ruso Kirill Dmitriev, cu kende el a haci un paseo. Dmitriev a hunga un rol clave den e combersacionnan entre Rusia y Ucrania y entre Rusia y Merca den e ultimo lunanan. Te awor, e combersacionnan no a resulta den un paro di fuego.

Presidente di Merca Trump a adverti cu e lo impone sancion si Rusia no bay di acuerdo cu un tregua pa diabierna. E sancionnan aki lo inclui medidanan contra paisnan cu ta cumpra petroleo y gas Ruso.

GUERA TA SIGUI 

Rusia ta parce di no ta preocupa pa e fecha limite di Trump. “Nos ta sigui cu e operacion militar special”, e vocero di Kremlin, Dmitry Peskov, a bisa ayera tocante e guera na Ucrania. “Nos ta keda comprometi cu un proceso di paz", e la añadi.