VIDEO: Studiantenan di Aruba a yega Hulanda pa studia

DEN HAAG – Diamars mainta, 107 studiante Arubiano a yega Hulanda pa sigui un estudio profesional superior (HBO) of estudio universitario. E studiantenan a yega riba buelo 765 di KLM i un buelo mas trempan di TUI.

Na Aeropuerto Schiphol e studiantenan a wordo yama bon bini door di Joselin Croes, directora di Arubahuis. Un delegacion di funcionarionan di e Departamento di Enseñansa, Bienestar General i Kultura, mentornan di estudio, y miembronan di e Comision di Recepcion Local (POC) tabata warda den e sala di yegada. Na yegada, e studiantenan a wordo hiba cu bus pa nan stad di estudio. E aña aki, pa prome biaha, a organisa un oportunidad pa saca potret pa studiantenan cu tabata desea di participa. Pa e proximo dianan pa un siman, e studiantenan lo completa un programa di recepcion obligatorio. Durante e periodo aki, nan lo haya guia den e ciudad unda nan lo biba y studia pa e proximo cuater aña of mas. Durante nan prome aña di estudio, e studiantenan lo haya guia di un mentor di estudio. Texto ta di Aruba.nu, video ta di facebook di Kabinet van de Gevolmachtigde Minister van Aruba (ArubaHuis)