Nuebe studiante di Colegio Arubano a ricibi Clint Whitfield Outstanding Student Award

ORANJESTAD - Durante un reunion general di Kiwanis Club of Aruba, diaranson, 30 di juli, 2025, a tene e evento anual cu ta honra alumnonan di Colegio Arubano cu a sobresali den aña escolar 2024-2025. E alumnonan aki no solamente ta wordo reconoci pa nan logronan academico, sino tambe pa nan compasion, metanan y compromiso pa traha riba un mihor futuro.

Kiwanis Club of Aruba a yama bon bini na invitadonan distingui, manera Ministro di Turismo, Labor y Transporte, mr. Wendrick Cecilia, Parlamentario Gino Goeloe, mayornan orguyoso, mentornan y administratie di skol, conrector di Colegio Arubano, juffrouw Gwen Davelaar  y  miembronan di Kiwanis Club of Aruba.

Recipientenan di e Clint Whitfield Outstanding Student Award:

•         CB1 Tristan Wolter

•         CB2 Laura Bonnevalle

•         H3 Kian Bareño

•         H4 Jia Zhong

•         H5 Ariadna Franco Franka

•         V3 Chantal Mousalli Avendaño

•         V4 Jerriq Tromp

•         V5 Evie van der Sloot

•         V6 Winton de Greef

Como highlight di anochi, Evie van der Sloot di V5 a ricibi e Legacy Award presenta pa Strena Creatives. Evie a expresa su aprecio y emocion pa bolbe otro aña pa e 30 aniversario di e Clint Whitfield Outstanding Student Award. E ta planea pa gradua di V6 y sigui su soñonan pa studia medicina na Hulanda.