Corte a confirma cu nan sistema a keda afecta cu virus

ORANJESTAD - E Corte Comun di Husticia diaranson a confirma cu nan ta experenciando interupcionnan di nan red. Diahuebs ultimo, e sistema di IT di Corte Comun di Husticia a detecta un virus. Pa motibonan di seguridad, e sistema di computer a wordo kita temporalmente for di liña. Ademas a sigura cu esfuersonan di recuperacion ta andando awor.

ORIGIN NO TA CONOCI

E origen exacto di e virus no a wordo determina ainda. Sinembargo, nan ta enfatico cu tur informacion warda a keda sigur y intacto.

Apesar di e problemanan digital, e service desknan na oficinanan di Corte na Aruba, Corsou, Sint Maarten, y Boneiru a habri bek y ta accesibel pa publico. E mesa di servicio na Saba y Sint Eustatius ta anticipa di ta operacional atrobe otro siman.

E audiencianan programa pa siman pasa a sigui mas tanto posibel.

Den e ultimo dianan, a traha duro pa restaura e sistema completamente y restora servicionan na nan nivel di custumber mas lihe posibel.