Boogaard ta atkeri clientenan di Seguros Geerman

Boogaard ta atkeri clientenan di Seguros Geerman

Posted on 07/30/2025 9:36 am AST | Updated on 07/30/2025 9:37 am AST

ORANJESTAD – Boogaard Assurantiën N.V. lo adkiri henter e cartera di cliente di Seguros Geerman N.V entrante 1 di augustus. Asina e portal Aruba.nu ta raporta. E adkisicion a wordo notifica dia 1 di juli na Aruba Fair Trade Authority (AFTA), cu ta vigila competencia husto. E regulador a publica e notificacion den Gazette di Gobierno di Aruba.

Ambos compania ta opera como intermediario den e mercado di seguro di Aruba. Boogaard ta provee servicio di seguro na tanto clientenan priva como empresarial y ta forma parti di e Grupo Guardian. E compania ta ofrece seguro di cas, auto, bida, salud y responsabilidad, entre otro productonan. Tambe Seguros Geerman ta enfoca riba tanto clientenan priva como empresarial cu conseho y servicionan di makelaar di seguro.

AFTA a ricibi e notificacion di fusion conforme articulo 3.1 di e Reglamento di Competencia. Pa ley, un adksicion, fusion of empresa conhunto mester wordo notifica di antemano ora e yega na un cierto tamaño. AFTA no tin autoridad pa blokia e transaccion, pero lo evalua si e concentracion proponi ta cay den e alcance di e ley.

 

  • Powered by SETAR