Trump ta delanta e fecha limite pa Rusia tin tregua cu Ucraina:Entre 10 pa 12 dia!

ESCOCIA - Presidente di Merca Trump a delanta significativamente e fecha limite (ultimatum) cu el a impone riba presidente Ruso Putin pa yega na un tregua cu Ucrania. E la haci e anuncio aki den un conferencia di prensa despues di un encuentro cu prome ministro Britanico Starmer na Escocia.

E fecha límite pa un tregua tabata anteriormente 2 di september, pero awor a wordo pusha bek pa “dies pa diesdos dia” for di awe. Dos siman pasa, e presidente di Merca a menasa cu Merca lo impone “tarifanan enorme” riba Rusia si no yega na un acuerdo cu Ucrania dentro di cincuenta dia.

Trump a ripití e menasa ey awe. “Si no tin un acuerdo, lo tin tarifanan secundario.” Esakinan lo encera tarifanan di importacion di Merca di aproximadamente 100 porciento riba paisnan cu ta cumpra zeta for di Rusia, manera China y India. Si Merca mester a impone tarifanan directo riba Rusia, e lo tabata inefectivo, ya cu e paisnan casi no ta haci negoshi cu otro.