Zomercarnaval 2025 a conta cu mas di 2500 participante den 32 grupo

WILLEMSTAD.  Bou di un solo radiante i ku muzik di bandanan i brasbènt Zomercarnaval 2025 di Rotterdam a bria ku partisipashon di mas ku 2500 partisipante repartí den 32 grupo.

Tin algun dje gruponan ku for di inisio di Rotterdam Unlimited Zomercarnaval ta partisipá. Mayoria biaha ta trata di gruponan ku di generashon pa generashon liderato ta pasa den famia.

Pa promé biaha e aña akí Reina i Rei di Zomercarnaval a resultá di ta ruman. Celine i Oneal Rodgers tabata na kabes dje marcha kilométriko di koló, disfras i kultura den sentro di Rotterdam. Nan tabata kompañá pa prensès Eden di ‘De Havenloods Zomercarnaval’.

Ryansley Haize, presidente di Stichting Zomercarnaval Nederland a indiká: ‘Zomercarnaval ta mas ku un parada, e ta un selebrashon di patrimonio, e komunidat i e orguyo kultural. E echo ku e aña akí nos a uni komo famia, siudat i organisashon ta presis loke ta definí e legado aki’. NOTA: Texto ta scirbi den Papiamento fonetico di Corsou.