CBD Dakota y SV Dakota cu prome clinica di deporte di futbol gratis

ORANJESTAD - Centro di Bario y Deporte Dakota hunto cu SV Dakota ta organisa su prome clinica di futbol COMPLETAMENTE gratis. Un club cu ta sigi kere den desaroyo di nos hubentud.   

E clinica aki ta pa muchanan di diferente edad di nos organisacion. E idea a bin door di nos Capi Ferdinant Robert, Diederick Luydens, legendario Jonathan Lake y Maricarmen Bikker cu ta stima e deporte futbol y ta kere den e clinica aki pa yuda fortifica y desaroya e talento di hungador den miho technica, dominio y inteligencia di wega. 

Despues di presenta esaki na Directiva di Centro di Bario y Deporte Dakota y SV Dakota, a aproba esaki y di biaha  cuminsa prepara coachnan di cada categoria hunto cu e mayornan.

E clinica ta cuminsa dia 28 di Juli  pa 1 di Augustus na Frans Figaroa. Nos prome paso den nos proyecto ‘Hunto pa Futuro. Legado pa Legado, Dakota su Historia lo Sigi.’