Gobierno a admiti cu no ta logra ley AFT prome cu 1 augustus

ORANJESTAD – Gobierno a confirma diaranson cu lo no keda cla prome cu 1 augustus pa trata e ley di colegio di supervision financiero di Aruba. Y como tal, no tin motibo mas pa trata e ley aki den periodo di reces manera cu tabata e intencion anteriormente. El a bisa esaki na e.o. E website 24ora.com diaranson durante su bishita na e waf na Barcadera. Mes momento prome minister Eman diaranson, a confirma cu inicialmente a pidi parlamento enberdad pa ‘standby’ cu recess pa asina por a trata e ley prome cu 1 augustus ainda. Sinembargo dialuna e consehonan di Raad van Advies (RvA) a cambia tur cos, y awor e fecha di 1 di augustus no ta ‘importante mas’. E mandatario a declara esaki durante su inspeccion di e waf na Barcadera.

BERMUDEZ

Mes momento na NoticiaCla.com, minister di finanza Angel Bermudez a confirma esaki tambe. A haci e mandatario e pregunta specifico “No tin pura pa pasa Aruba Financieel Toezicht (AFT) mas, pasobra e ta drenta na vigor cu forza retroactivo”, e mandatario a contesta “esey ta factibel!”. E pregunta a bin a base di un declaracion anterior di e mandatario, splicando pakico no tin pura mas. Ta resulta cu e mandatario a bisa mas prome,- den un declaracion anterior-, cu e ley por wordo implementa cu forza retroactivo te 1 di augustus. Pues como tal, no tin pura mas.

HULANDA

Bek pa prome minister Eman su declaracion, e la sigura tambe cu Hulanda lo a wordo avisa di e ultimo desaroyo, y cu nan lo ta ‘ok’ cu e situacion nobo aki. Pues cu Hulanda no tin problema cu 1 augustus no ta factibel mas manera inicialmente palabra segun e protocol di 2 di mei.