Piskabon na Boneiro, ta organisa encuentro di oracion pa piscadonan Arubiano perdi

KRALENDIJK - Kooperativa Piskabon ta organisa un Misa special awe diahuebs pa cuater piscado di Aruba cu ta perdi riba laman for di dia 12 di juli. E cuater piscadonan a perde dia 12 di juli durante un biahe di pesca. Un buskeda pa e hombernan ta andando for di e tempu ey. Koperativa Piskabon ta extende su condolencia na famianan di e piscadonan perdi y henter poblacion di Aruba.

ORACION CONHUNTO

“Nos ta resa hunto y ta suplica e Tata Todopoderoso pa un final feliz na e incertidumbre cu e buskeda di e cuater piscadonan aki ta trece”, e cooperativa a bisa. Santu Sakrifisio di misa lo tuma luga diahuebs 24 di juli, pa 7:30 PM den parokia di La Birgen di Coromoto Antriol. Piskabon ta invita specialmente tur piscado di Boneiru pa asisti. “Laga nos resa hunto y pidi e regreso di e cuater piscadonan aki.”