No 10.000, pero 7.000 paso pa dia ta bon caba pa bo salud

ORANJESTAD  - Tabata pensa pa hopi tempo cu dies mil paso pa dia tabata necesario pa un estilo di bida saludabel. Investigadonan a descubrí awor cu hasta shete mil paso pa dia ta ofrece benefisionan significante pa salud. Fuera di e limite ey, e beneficionan pa salud ta aumenta menos lihe. E estudio a wordo publica diahuebs den e revista medico The Lancet. E ta e estudio di bista di mas grandi cu a yega di wordo conduci. E investigadonan a usa estudionan anterior cu a enbolbi un total di 160.000 adulto rond mundo.

E cientificonan ta conclui cu dal shete mil stap pa dia ta ofrece beneficionan significante compara cu dal dos mil stap. Por ehempel, e riesgo di malesa cardiovascular, cancer, demencia, diabetis y depresion tabata demostrabelmente reduci. E beneficionan aki ta nivela ora hende dal mas cu shete mil paso, aunke algun mehoracion tabata midibel ainda.

“Nos tin e idea aki ku nos mester dal dies mil paso pa dia, pero esei no ta basa riba ningun evidencia,” lider di estudio Melody Ding ta bisa. E idea ku dies mil paso pa dia ta un guia pa un estilo di bida saludabel probablemente a origina den un campaña hapones. Den e preparacion pa e Weganan Olimpico di 1964, un pedometer yama e manpo-kei (contado di dies mil paso) a wordo lansa.

Di akuerdo ku Ding, e dies mil pasonan despues sin intencion a bira un guia no oficial, mientras cu nan a wordo saca “for di contexto.” “Tin otro maneranan pa haci ehercisio, manera core baiskel of landa.” E cos di mas importante, segun e investigadonan, ta cu hende ta haci ehercisio consientemente como parti di un estilo di bida saludabel.