Temporada di horcan 2025 a produci 3 tormenta cu nomber caba

MIAMI – Oficialmente, e temporada di horcan atlantico 2025 a cuminsa dia 1 di juni, y lo termina dia 30 di november. Te awor, tres ciclon tropical a forma, tur di cua a intensifica den tormentanan cu nomber. Ta trata di Andrea, Barry, y Chantal.

E PROME TORMENTANAN

E prome tormentanan di aña di e temporada di horkan atlantico tabata causadonan di awacero di durasion cortico, cu ta disparce despues di a yega na e status di tormenta tropikal. Pero mientras cu e condicionnan actual ta sugeri cu juli lo keda slow, e no ta un tendencia cu lo keda rond den loke ta anticipa di ta un aña riba promedio. Andrea a cuminsa e temporada dia 24 di juni, cu Barry siguiendo dia 29 di juni, tur dos durando menos cu un dia. Tormenta Tropikal Chantal a cuminsa como un depression tropical riba 4 di juli 2025, na costa di Florida. E la fortalece den Tormenta Tropical Chantal mas laat e dia ei y a yega tera cerca di Litchfield Beach, South Carolina, alrededor di 4or di marduga riba 6 di juli 2025. 

E PRONOSTICO

National Oceanic & Atmospheric Administration (NOAA) su pronostico pa e temporada di horcan di Atlantico 2025, ta pronostica un chens di 30% di un temporada casi normal, un chens di 60% di un temporada riba normal, y un chens di 10% di un temporada bou di normal. E instancia ta pronostica un cantidad di 13 pa 19 tormenta total (biento di 39 mph of mas halto).

E NOMBERNAN CU FALTA 

E nombernan pa e temporada di horcan Atlantico 2025, scohi pa e Organisacion Mundial di Meteorologico cu falta, ta Dexter, Erin, Fernand, Gabrielle, Humberto, Imelda, Jerry, Karen, Lorenzo, Melissa, Nestor, Olga, Pablo, Rebekah, Sebastien, Tanya, Vandy y Wendy.