Kiss Cam di ‘pareha prohibi’ durante concierto di Cold Play a bay viral rond mundo!

BOSTON - Un momento di e asina yama “kiss cam” transmit na un concierto di e banda internacional popular Coldplay a dal un nota scandaloso ora aparentemente e la expone un magnate di tecnologia tramposo y su amante di HR (recurson humano)— mientras e cantante principal di e banda, Chris Martin, a yama atencion riba e pareha. “Of nan ta teniendo un relacion secreto of nan ta hopi verlegen”.  A resulta cu e pareha tabatin un relacion ‘scondi’.

KEN NAN TA

E pareha — identifica como CEO di e compania biyonario Astronomer Andy Byron y e hefe di recurso humano di e compania, Kristin Cabot — a kore sconde nan cara ora nan a wordo gara riba e jumbotron na Gillette Stadium cerca di Boston diarason anochi. Pero ya tabata lat caba. E parti di e video aki a bay viral rond di mundo y hopi a cuminsa cherche cu meme’s riba e accion. Algun ta cu ‘ den varios aña Coldplay no a produci un sensiyo (single), pero ayera nochi nan a produci dos”. Otro grafico ta cu esaki ta e Gira Divorcio di Cold Play.