Wardacosta a pasa e caso di buskeda di 4 piscadornan pa Wardacosta Colombiano

ORANJESTAD - Awe 17 di juli Wardacosta di Caribe Hulandes a pasa e caso over na Wardacosta Colombiano, mirando cu e area di buskeda a drenta completamente den nan area di responsabilidad. Asina Wardacosta a informa diahuebs atardi riba nan pagina di Facebook. Te ainda no ta logra haya nada concreto di e yate y of e piscadornan pero e buskeda ta continua. Ademas a bisa si tambe cu Wardacosta lo sigui tira un bista skerpi durante di nan patruya nan.

FAMIA 

Ademas diahuebs 17 di juli a reuni hunto cu famia di e 4 piscado nan cu a perde riba lama for di diasabra 12 di juli.

COMIENSO DI BUSKEDA 

For di diadomingo marduga a inicia un buskeda. Mes ora a manda helicopter, avion y un unidad di Metal Shark pa busca nort west nort di Aruba. E avion tambe a contribui na e buskeda for di cuminsamento. Segun cu dia nan a pasa, e area di buskeda a sigui crece y na un dado momento a bai nort den awanan di Colombia.  

REGION COLOMBIANO Y VENEZOLANO 

Cu permit di gobierno Colombiano, a busca cu e Dash-8 di Wardacosta den nan region. E ultimo dos dia nan, barco di Marina Real Hulandes, Zr.Ms. Friesland y su helicopter hunto cu un avion priva for di Aruba, tambe a uni na e buskeda den parti nort di Colombia su awanan. Wardacosta di Venezuela tambe a busca den nan awanan teritorial (Isla nan Monjes) cu unidad nan maritimo y aereo.