Ministerio Publico a stop e investigacion di Girobank na 2015 pa motibo di falta di capacidad

WILLEMSTAD - Ministerio Publico Corsou a descontinua un investigacion penal riba fraude y mal practica na Girobank na 2015 pa motibo di insuficiente capacidad di investigacion financiero. Minister di Hustisia Shalten Hato a skirbi esaki pa Parlamento. Na juni 2015, Ministerio Publico a ricibi kehonan na nomber di Girobank pa medio di e bufete di abogado Huizing contra ex director Eric Garcia. E tabata wordo sospecha di malversacion y fraude. Totalbank tambe a entrega keho contra Garcia. E casonan a wordo investiga bou di e nomber di codigo “Pretoria,” pero e investigacion a wordo descontinua pa motibo di problemanan di capacidad. Ministerio Publico a conclui cu Totalbank no a sufri ningun perdida financiero y cu Girobank mes tabata viktima di fraude di un di su mes empleadonan. Supuestamente no a sigui e proceduranan interno, loke a permiti pa haci abuso.

GARCIA DESPUES A KEDA CONDENA

Na juni 2018, Banco Latino, Banco Principal, y Banco Consolidado a entrega un keho nobo. Esaki a conduci na e investigacion penal “Astro”, den cual Garcia a wordo persigui den su funcion como curator. Na mei 2019, Hues a conden’e na cuater aña di prison. Su apelacion a wordo rechasa. Minister Hato ta ninga cu Ministerio di Husticia a ricibi e relato forensico recien di Banco Central cu ta cubri e periodo 2010-2019. E ta enfatisa cu e rapport ta cay bao competencia di Ministerio Publico y cu, debi na e separacion di poder, e no por pidi persecucion. Ministerio Publio ta mara na e prinipio di expediencia, cu ta stipula cu persecucionnan ta basa riba e interes publico y e capacidad disponibel. “Si Ministerio Publico indica cu e situacion ta urgente, mi por pidi asistensia denter di Reino,” Hato a bisa.