Helicopter di Zr. Ms. Friesland a join buskeda pa yate perdi Energy

ORANJESTAD – E buskeda pa e yate Energy y su cuater tripulantenan a continua awe mainta segun e vocero Miguel Perret Gentil a sigura Noticiacla diamars merdia. A informa tambe cu mientrastanto e barco di patruyahe di Marina Real, Zr. Ms. Friesland tambe a activa den e buskeda, den sentido cu nan a pone nan helicopter disponible pa e buskeda awe mainta. Cu esaki, e cantidad di ekipo, ta aumenta. Ta sigui usa tambe e dash di Guarda Costa, y tambe varios boto particular ta participando activamente den e buskeda. 

AREA DI BUSKEDAE area di buskeda ta amplia cada bez mas y manera cu Noticiacla a bisa ayera mainta, a amplia pa e parti Noord di Colombia, specificamente La Guajira, unda cu permiso di gobierno Colombiano, ta buscando den e area ey tambe. Tambe ta buscando den e area di Venezuela.

KI ORA TA PARA E BUSKEDA

Un pregunta cu hopi tabata haci tambe, ta ki ora y a base di kico ta dicidi cu ta para e buskeda aki. Segun Perret Gentil, no tin ora of dia pa stop e buskeda.”Cada buskeda ta diferente. No a dicidi pa stop esun aki ainda”, Perret Gentil a bisa. E ta sigui te ora cu tin solo y despues ta suspende te e siguiente mainta. Ainda lamentablemente no a haya nada ainda di e yate y e tripulantenan. NOTA: E potret cu ta acompaña e articulo, ta uno di archivo y ta sirbi solamente como ilustracion.