Trump kier tregua entre Ucrania y Rusia denter di 50 dia, sino ta pone tarifa pisa pa Rusia

WASHINGTON - Merka lo imponé “tarifanan masivo” riba Rusia si e pais no logra yega na un tregua cu Ucrania denter di cincuenta dia. Presidente Trump a haci e anuncio aki despues di un reunion cu secretario general di OTAN, Mark Rutte.

Segun Trump, e tarifanan aki lo wordo impone riba Rusia y tarifanan secundario di 100 porciento riba paisnan cu ta cumpra petroleo for di Rusia si no yega na un acuerdo pa dia 2 di september. E paisnan aki ta inclui India y China.

Merca tambe lo sigui suministra arma na Ucrania, Trump a anuncia. Esaki ta inlui e sistemanan di defensa aereo Patriot cu Ukrania ta desea. Segun Trump, tin “un pais cu tin diescuater sistema cu ta cla pa wordo envia pa Ucrania.” Esakinan no ta wordo duna pa Merca, pero ta wordo paga pa estadonan miembro di OTAN. Segun Trump, esaki ta encera “biyones di dollar di ekipo militar.”