Arubiano ta fayece den accidente cu boto na Italia

COMO -  Un Arubiano, Julina de Lannoy (32)  cu tabata di bishita como turista na Italia, a fayece diasabra atardi na Sant’Anna Hospital na San Fermo della Battaglia, Italia di lesionnan sufri den un accidente di boto cu a tuma luga poco prome cu 4:00 PM (ora di Italia) riba e awanan cantu di e ciudad di Villa Geno. Segun investigacionnan inicial, e boto riba cual e dama tabata biaha cu un grupo di amigo a dal contra un di dos embarcacion. E Arubiana a wordo benta den awa y probablemente a muri door di propeller di un boto.

E dama, despues di a wordo rescata for di awa, a wordo traslada pa costa. Segun medionan italiano, e lo a sufri un paro cardiaco. Un homber di 44 aña cu tabata abordo di e otro embarcacion tambe a wordo rescata, pero su bida no ta na peliger.E noticia aki a gara Italia y a plama hopi liher riba portalnan italiano henter dia diasabra na Italia. Noticiacla ta manda palabra di forza na famianan di e fayecido.