Top hungador di baseball di Corsou Albies lo hunga pa e seleccion Hulandes pa prome biaha

AMSTERDAM - Beisbolista Ozzie Albies lo hunga pa Reino Hulandes na World Baseball Classic na maart proximo. Entrenador nacional Andruw Jones a confirma esaki. E beisbolista naci na Curaçao nunca a yega di hunga pa e seleccion Hulandes. Albies di 28 aña ta un regular na di dos base pa Atlanta Braves pa añanan y ya a wordo selecta pa e team All-Star di Beisbol di Liga Mayor tres biaha. “Nos mester di tur hende cu ta hunga na e nivel di mas halto,” Jones a bisa. “Mi ta hopi contento cu Albies awor kier compromete cu e seleccion”.

COPA DI MUNDO

E seleccion Hulandes a wordo poni den Grupo D cu Republica Dominicana, Venezuela, Israel, y Nicaragua y lo hunga su partidonan di grupo di 6 pa 11 di maart na Miami.E torneo aki, organisa pa MLB, ta habri pa profesionalnan di nivel halto. E Clasico Mundial di Baseball tambe ta wordo considera como e Copa Mundial. E seleccion oficial di e team di Reino lo keda anuncia cuminsamento di otro aña.