Presidente di Union Europeo Von der Leyen ta sobrevivi voto di desconfiansa

BRUSELAS - Presidente di Comision Europeo Von der Leyen a sobrevivi un voto di desconfiansa. Manera tabata di spera, e mocion a wordo rechasa pa un gran mayoria.

E mocion contra Von der Leyen a wordo entrega dialuna pa MEP di partidonan radical di derecha. E causa directo tabata e mensahenan di texto cu e Presidente di e Comision a manda pa e hefe di e fabricante di vacuna Pfizer durante e crisis di coronavirus. E tempo ey, Von der Leyen tabata negociando e compra di casi 2 biyon vacuna pa e paisnan di UE.

E grupo EPP di centro-drechi, e Social Democratanan (S&D), e grupo liberal di Renew,  y e Berdenan tur a vota contra. Esaki a nifica cu no tabatin niun caminda cerca di e mayoria di dos tercera parti nesesario.

E Social Democratanan (S&D) a menasa di abstene, pero na final, e MEPnan a vota contra tambe. Nan a haci esaki despues cu Von der Leyen a priminti di no corta e Fondo Social den e presupuesto multianual nobo. E programa aki ta destina pa stimula Empleo y entrenamento den UE.