Corsou (Pariba) a gana di Aruba ayera den Campeonato di Caribe

WILLEMSTAD - Den un wega krusial ayera di e Kampionato di Karibe, Kòrsou (Pariba) a gana di isla ruman Aruba ku skor di 8-3. Pa Kòrsou (Pariba) 8 kareda, 12 hit i 0 eror. Rujerly Josepha a gana. E picher di Pariba a tira 3 entrada di blankeo den kua el a poncha 3 bateadó.

Na bate tantu Marvion Trinidad, Juriensly de Windt i Jaymiëll Martina a bai di 3-2. Miéntras ku Marvideon Trinidad a konektá honron.

E viktoria aki a pone ku Kòrsou (Pariba) a sera nan ‘pool’ ku 2 gana i 1 pèrdí. Esaki a pone ku nan a kaba empatá ku mesun rèkert ku Aruba i tambe Republica Domicana. Di nan tres dos lo avansá pa semi final. E promé indikashon ta mustra ku Republica Domicana lo klasifiká komo number unu, i isla ruman komo number dos di e ‘pool’. Sinembargo awe esaki tin ku keda ofisialisá via di Williamsport. Pa asina sa kua di e tres selekshonnan aki, lo ta den akshon djabièrnè awor den semi final. NOTA: E texto ta scirbi den papiamento fonetico di Corsou.