DVG ta recomenda vacuna contra sarampi prome cu biaha pa Merca

ORANJESTAD - Dentro di poco nos ta drenta periodo di vacantie escolar y manera ta conoci, hopi local ta bay di vacantie pa diferente pais y region. 

Manera cu Departamento di Salud Publico a bin ta informa comunidad di Aruba pa algun siman caba, e casonan di measles of tambe yama sarampi ta sigui aumenta den diferente pais y region rond mundo entre otro:

•        Canada

•        Diferente estado di USA

o       Texas

o       New Mexico

o       Kansas

o       Nort Dakota

•        Mexico

•        Europa 

o       Romania, 

o       Francia, 

o       Hulanda,

o       Italia, 

o       Spania

•        Asia- Pacifico

o       Vietnam

o       Kyrgyzstan

o       Mongolia

Na tur esnan cu ta planea pa biaha durante e periodo cu ta sigui sea pa vacantie of trabou y ta: 

•        sufri di un malesa of condicion di salud cu ta afecta nan sistema inmunologico. 

•        Y tambe tur esnan cu kisas no ta sigur di ta bon vacuna cu 2 vacuna contra Measles

Ta wordo fuertemente conseha pa “walk in” na seccion di Malesanan Infeccioso situa na Avisenastraat #1, Oranjestad pa vacuna contra Measles minimo 7 dia prome cu biaha.

E vacuna disponibel ta e vacuna MMR (Measles, Mumps, Rubella) un vacuna hopi ‘safe’ cu ta riba mercado desde aña 1971 y ta e mesun vacuna cu ta wordo suministra na Aruba for di aña 1979 na baby y muchanan di scol atraves di Wit Gele Kruis y Seccion Cuido Salud Hubenil. 

E vacuna MMR ta un vacuna cu ta wordo produci abase di e metodo tradicional y no ta un vacuna moderno traha abase di e metodo mRNA.

Efectonan secundario comun di e vacuna MMR ta ensera:

•        Aumento di temperatura corporal of keintura

•        Rash light (e rash ta disparce y no mester tratamento)

•        Kliernan por hincha (na garganta of patras di horea) 

•        Dolor na e lugar unda a aplica e injeccion

Bo salud ta bo responsabilidad, tuma accion pa proteha bo mes contra Measles.

Pa mas informacion like nos Facebook page Directie Volksgezondheid DVG Aruba, Follow nos riba Instagram directie_volksgezondheid_aruba, subi nos website www.dvg.aw, yama nos na 5224200 of mail nos na servicio@dvg.aw