Hospital cu problema tecnico serio cu sistema di airco den weekend

ORANJESTAD – Hospital Horacio Oduber diasabra tabatin problema serio tecnico cu nan sistema di airco, ‘koeling’, cu a impacta por lo menos 2 piso di e facilidad. Riba nan pagina di Facebook, diasabra anochi nan a confirma e problema. Segun e informacion, e impacto tabata riba e piso full abou, e prome piso y tambe piso dos di e Toren B. “E team tecnico ta trahando duro hunto cu e team tecnico di SOGA pa soluciona e situacion fastioso aki lo mas pronto cu ta posibel” e hospital a bisa.

PASHENTNAN Y BISHITANTE

Manera por a spera, e problema a causa incomodidad pa tanto pashentnan, bishitantenan y empleadonan. “HOH ta haciendo su maximo esfuerso pa soluciona e problema di e sistema di koeling lo mas pronto cu ta posibel den e areanan cu ta wordo afecta” e informacion a sigui bisa.