Autoridad colombiano confisca lote miyonario di droga banda di Aruba

 SANTO DOMINGO – Noticia cu a hala atencion den fin di siman tabata e captura y intercepcion di un lote miyonario di cocaina den awa territorial di Aruba. Un di e hopi portalnan cu a raporta esaki, tabata La Vanguardia. Ta trata di droga balora na 42 miyon dollar, perteneciendo na e ‘Clan del Golfo’. Presidente colombiano Gustavo Petro a haci e anuncio den fin d siman, cu autoridad colombiano y mericano a confisca e droga.  

E VERSION OFICIAL

Di su banda, e direktor di Polis Nacional, Mayor General Carlos Fernando Triana Beltrán, a proveé ​​detayenan di e operacion significante: “Den awanan internacional banda di Aruba, polis Colombiano, den coordinacion cu Oficina di Fiscalia General, FBI, Guardacosta Mericano, y autoridadnan di Republica Dominicana, a tuma den beslag 3.515 kilo di e alcaloide, cu tabata wordo transporta riba un boto Go-Fast,” asina e alto funcionario a bisa. E ofisial a revela tambe e costo di e droga aki si el a yega su destinacion.

“E envio, balorá na mas cu $42 miyon y for di cua por a saca 8.7 miyon dosis, a wordo envia na La Guajira dor di e ‘Clan del Golfo’ y tabata destina pa Merca yEuropa. Te awor e aña aki, Polis Nacional a confisca mas cu 116 ton di cokaina den exterior,” Triana Beltrán a splica.