Paisnan di OTAN ta bai di acuerdo pa aumenta gastunan di defensa na 5 porciento

DEN HAAG -  E 32 paisnan di OTAN a bai di akuerdo diaranson pa aumenta e gastonan di defensa pa pais na cinco porciento di e producto interno bruto (PIB). Tur pais a bay di acuerdo unanimamente durante e Conseho di Atlantico Norte, e reunion mas importante den e cumbre di OTAN.

Manera tabata di spera, Rusia ta wordo menciona como un menasa pa e aliansa riba termino largo.

E aumento ta consisti di dos parti: 3.5 porciento y 1.5 porciento. E prome, parti mas grandi ta regarda gasto directo pa e forsanan arma, manera salario, arma y municion. E sobra 1.5 porciento por wordo gasta na asuntonan relaciona cu defensa. Kico ta cay bao di esaki no ta cla ainda.

E aumento den gastonan di defensa tabata un exigencia clave di presidente di Merca Trump. E ta kere cu e paisnan Europeo y Canada a contribui mucho poco na e aliansa den añanan recien.