Grupo di 797 sostenedor di de Meza ta manda carta pa Rey Willem-Alexander

ORANJESTAD – Un grupo di sostenedornan di candidato pa minister, Mike de Meza, a manda un carta (sin firma) di tres pagina pa Rey Willem-Alexander, relaciona cu e hecho cu de Meza no por a bira minister ainda. E carta gta cuminsa splica e situacion for di momento cu e eleccion na December a tuma lugar, te na e ultimo unda cu Ministerio Publico ta denomina de Meza como sospechoso. 

PREOCUPA

E grupo segun e carta, ta bisa cu e grupo ta seriamente preocupa pa e estado di derecho democratico di Aruba y cu debi na  ‘manipulacion politicamente motiva’, de Meza ta menasa di perde su nombracion como minister.  Ademas, e grupo ta teme pa seguridad personal di e candidato. 

PETICION

A suplica e Rey, pa ‘dentro di e limitenan di bo posicion constitucional, expresa bo preocupacion pa cu e situacion, y – si ta posibel – drenta den discusionnan cu Gobernador, e formateur/Prome Minister of instancianan concerni pa proteha e orden huridico democratico na Aruba’.

FIRMA

Mientras cu e carta no ta firma abou, ta referi na un otro carta cu tin 797 firma acumula, den 2 dia, cu segun e carta, ta ekivalente na 132 mil firma si compara esaki cu e prorate Hulandes. Nan ta bisa tambe cu pa un iniciativa civil na Hulanda, ta rekeri 40 mil firma. Y como tal, esaki ta 3 biaha mas cu necesario, validando e cantidad di firma. Pa lesa e carta, click AKI.