Cicilia: Aruba no mester ta preocupa pa e tension geopolitico actual

ORANJESTAD - Minister Cicilia ta confirma cu turismo ta bayendo bon, berdad tin algun desaroyo cu ta monitoreando di cerca, por ehempel e tension geopolitico, por ehempel e conflicto entre Israel cu Iran pero te cu awo, Aruba no mester ta preocupa. Aruba no tin un rol den e conflicto pero si lo por sinti e efecto cu tempo. Oficina di turismo ya a raporta cu a base di e ultimo pronostico, e cantidad di turista pa Aruba lo por mustra un subida di minimo 5% na fin di aña 2025 pa cu ‘stay over arrivals’. Pa tur region ta mustrando un crecemento compara cu 2025, pues Merca, Latino America y Europa. NOTA: Potret ta uno di archivo di Noticiacla.