Ground crew di KLM na Hulanda ta welga diasabra pa salarionan mas halto

SCHIPHOL - Personal di tereno di KLM lo stop di traha pa 24 ora riba diasabra. E sindicato FNV ta informa cu e empleadonan ta “furioso” pasobra e aerolinea no kier duna nan salarionan mas halto den un futuro contrato colectivo laboral. Tambe e sindicato kier un mihor compensacion pa trabaonan pisa na KLM.

E welga lo cuminsa 2:00 AM riba diasabra mainta y lo dura te 2:00 AM riba diadumingo. Ayera nochi, KLM a pidi e sindicatonan FNV y CNV den un carta urgente pa abstene di un welga. “No tin sentido pa cana bai,” KLM a bisa tocante e negosiacionnan di hopi tempo pa un acuerdo colectivo nobo di trabou.

Negociador di FNV John van Dorland a bisa NOS cu e sindicato lo bolbe na mesa di negociacion solamente si KLM por lo menos compensa inflacion den salario. "Nos kier mantene poder di compra. KLM ta recompensa pilotonan generosamente. Ta incomprendibel cu esaki no ta sosode cu hende riba tereno."  

KLM ta rabia cu e sindicatonan ta bay welga diasabra. E compania di aviacion ta yam’e “completamente for di proporcion”. KLM ta yama e welga dañino pa e compania, “specialmente den e posicion financiero dificil cu KLM ta haya su mes aden”. KLM ta bisa cu e ta bay Corte pa preveni e welga.

P’esei KLM no por bisa ainda kico e welga lo nifica pa e pasaheronan. E compania ta premira cu e buelonan lo mester wordo cancela. Aunke KLM ta bai korte, e kompania di aviacion ta cuminsa cu preparacionnan pa si e welga si sigui.